人人都想有橫財運，不過正所謂「貪字得個貧」，並非所有橫財都可以用得開心，隨時還會因此惹禍上身！近日就有網民竟想花掉銀行戶口中無故得來的一萬元存款，被網友勸止。
「我戶口無啦啦多咗一萬蚊，銀行會唔會攞番㗎，有無人知點解呢？」網民「衰仔」不諱言想花掉這一萬元飛來橫財，不過即時有網友勸止，muddrex表示：「銀行check番時如果發現係入錯，絕對會同你攞番！我都有個朋友試過咁，佢都唔敢用，後尾發現銀行會追番。」
除了最終會「見財化水」外，網友alanfoo2000提醒：「唔係自己千祈咪用，會犯盜竊罪㗎！」網友ulumu表示：「如果銀行入錯數而你又盜用的話是刑事，起碼要坐幾年，你可以試吓，唔係講笑。」