英超米杜士堡季初喺主場特別醒神，已連贏3場，強如車路士到訪，都要輸波而回。相反，利物浦季初作客就強差人意喇！除咗開「咧」戰和過錫菲聯外，其後5場全部輸晒，仲連1球都入唔到，係現時英超作客成績最差嗰隊！
咁嘅表現，今場理應揀米堡贏波，不過「爛船都有三斤釘」，要防「利記」今場反底。況且千祈咪唔記得米堡主場有「遇強愈強、遇弱愈弱」特色，之前輸畀樸茨茅夫同布力般流浪仲記憶猶新，諗落都係唔多穩陣。睇番兩隊近15次交手，14次開入球「細」，機會率高達九成幾！今場一於信數據揀「細」。
AC入球荒吼「細」
意甲安玻里連續6場不敗，曾於主場賽和烏甸尼斯、拉素等硬嘢。AC米蘭明顯走樣，近來連輸3場，上周主場以1:2不敵羅馬，前鋒入球荒解決唔到。咁唔穩陣嘅攻力，主客和客W開1.7倍？咁不如揀1.6倍嘅入球「細」！話晒AC至今5場作客全部開「細」，加上安玻里5場主場開咗4場「細」，今場再開「細」都好正路。
阿鵬
有線球彩台主持
電郵：[email protected]