呢個星期啲波戲碼並唔算太吸引，好多場次都有明顯嘅強弱之分，咁嘅情況下，我建議大家唔好玩主客和，改玩入球大細，隨時好分頭好多。就好似英超頭場曼城對富咸呢場，講真，你問我邊隊贏面高啲？我唔敢答你，但我肯定入球唔慌多。
曼城主場至今不敗，6場入4球冇失波，講到明係慢慢踢，如果入咗1球就一定縮埋後面，希望守到最後。不過講真，曼城攻力又俾唔到信心人，皮亞斯有4個前鋒喺手，不過用人就十五十六，一時用雙塔森馬拉斯同哥拉廸，一時又用兩隻老鼠仔廸高夫同華素爾，陣容成日變，中後場好難呼應。至於富咸6場作客有4場和波收場，同時亦證明領隊滿足於此。所以今場波，比數最多都係1:1，都係揀「細」比較穩陣。
雲達攻力強煲「大」
講下一場推介嘅係德甲，亞琛主場對雲達不來梅。唔使多講，大家都知我會揀入球「大」喇，雲達不來梅作客嘅踢法係以攻為守，今季十分成功，作客入球率極高，仲勁過踢主場。
況且上仗爆冷輸波，今個星期應該唔會再令人失望，一於煲「大」啦。
謝利
立博亞洲區首席博彩顧問
電郵：[email protected]