周六西甲聯尾場秩序，主場的西維爾雖有近況及軍容完整度等優勢，但客軍華倫西亞亦非容易被擊敗的對手。「讓球」主隊讓平/半，可取下盤。（球賽編號：星期六69；有線61台明日5:00am直播）
兩軍今日爭分本錢的最大分野在於陣容完整度；西維爾現時只有捷西斯拿華斯這位翼鋒養傷，相反華倫西亞傷兵名單冗長，包括主力中堅馬真拿、邊衞莫拉堤、中場艾比達、列古路、謝美加維蘭等。左翼維辛廸及防守中場伊度，亦於周中操練課受傷，據報今仗上陣機會亦成疑。
華倫近6次作客只兩敗
西維爾較「夫添」，又有主場之利，近況亦出色，近7仗錄得5勝2和，牌面條件甚佳。但該隊上周作客桑坦德，賽和0:0，除被打斷5連勝勢頭之外，球隊於該仗竟未錄得任何命中目標的攻門，水準有所起伏。
至於華倫，其實近仗已經受到傷兵問題困擾，戰績稍見回落，但總算在近8仗，只錄得1場敗績。今仗睇軍情當然秤先主隊，但再睇埋對賽往績，華倫近6次作客此地只曾兩負，在歐冠盃又已取得了出線資格，今日其實亦有以「地莊」陣容全力一搏的條件，受讓終較可取。
文：華度