近日港股炒得熱火朝天，連恒基地產(012)主席李兆基都高呼「炒股好賺過搞地產」！他昨日出席一個開幕禮時表示，近期全球資金聚焦本港中資股，特別是多隻行業龍頭股及新股，近期真的是「炒股都賺到笑」！
揸國壽賬面賺62億 勝本業
「四叔」李兆基說：「𠵱家中國係全球經濟增長最快嘅地方，股票價值亦以同樣嘅速度增值，吸引全球資金嚟晒香港……好似買新股咁，好短時間已有成兩、三成回報，真係好賺過地產好多！」他透露，到現在仍未沽出中國人壽(2628)。
翻查資料，四叔於國壽03年底招股時，以招股價3.59元購入4.28億股，佔國壽已發行股本5.76%，按昨日停牌前報18.02元計算，每股已賺4倍，所持股份市值暴漲至77.13億元，賬面賺61.76億。
恒地去年純利135億元，撇除投資物業重估增值，實賺53億元，單是國壽賬面利潤已超本業，怪不得四叔這樣開心。
對於後市，四叔說：「照目前情況嚟睇，個市應該跌唔落去……係咪到頂？股市無話到唔到頂嘅，有陣時你以為到咗頂，但係升吓跌吓，又會有機會再創新高喎！真係好難講。」
他更給大家投資「小貼士」，買龍頭中資新股，要賺錢真是「無難度」！