亞視前晚於美麗華酒店舉行《2007亞洲電視節目巡禮》，全台藝員悉心打扮亮相，劉綽琪、吳亭欣及麥家琪等均低胸示人，惟獨張文慈以一身便裝現身。
張文慈對此說：「亞姐靚就得啦，今晚個個都咁grand，我反而可以搶鏡啦。」她又提到最近經常到內地登台，卻發生不愉快事件，她說：「前排喺梅州做完嘢，突然間有四個男人拉住我唔畀我走，話要影合照，搞到我好驚，好彩當時三個同事即刻拉我走。」
老公狂彈新劇
另外，郭藹明前晚到場宣傳新劇《義無反顧》，她說：「我哋拍完好難約埋成班演員一齊睇，多數同老公（劉青雲）睇，不過好大壓力，因為佢彈多過讚，佢話咁先會進步喎。」亞姐孟玲早前透露自己先斬後奏來港參選，幸回日本後已得父親諒解，又謂父親只問她有否獎金，令她哭笑不得。
採訪、攝影：藍文浩