楊思琦、李克勤、黎明和陳奕迅等昨晚現身中環出席某周刊舉行的頒獎禮，不過近來備受父親陳裘大因貪污判入獄一事困擾的陳奕迅未有停下接受訪問。
蔡少芬未打算結婚
思琦早前為鞋履品牌Rockport擔任模特兒時，被老外高層又攬又錫，昨日她以一條低胸裙亮相時，在攝影區內再被兩名老外VIP邀請合照，看來她甚得老外歡心。問思琦經過上次事件後，面對老外會否有恐懼，她笑說：「佢哋好有禮貌，只係同佢合照啫。」逗留近大半小時，當思琦欲離開之際，現場又有不少內地自由行旅客邀請她合照，她也來者不拒。
此外，蔡少芬（Ada）前日被報章拍下跟一名光頭男子同車，昨日她澄清說：「佢唔係光頭，佢只係skinhead，佢好靚仔，不過佢唔會鍾意我。」追問她該名男士可是同性戀，她即說：「佢唔係基，係我舅父，佢知道俾人影，即刻用窗簾布遮住自己，我同佢講唔使咁緊張，上次俾人影嗰個紋身猛男咪又係佢。」問她何時公開真命天子，Ada說：「我結婚時會帶畀大家睇，但𠵱家未結婚，我想自由啲。」
採訪：卓美娟 攝影：陳順禎
