劉培基下月再對梅啓明

劉培基下月再對梅啓明

梅啓明入稟控告劉培基(圖)同滙豐銀行女高層劉蔡秀蓮,指兩人涉嫌開啓梅艷芳個夾萬,竊取價值2,000萬嘅現金同珠寶,案件噚日喺東區裁判法院進行初級偵訊,控方申請將案件押後至下月15號再審,劉培基離開法院時仲整咗個勝利手勢。
根據梅媽嘅誓章,阿梅生前嘅住所有一個夾萬,裏面有大量現金同珠寶。不過交畀阿梅家屬嘅遺物名單裏面,就冇交代夾萬裏面嘅財物,加上只有劉培基同遺產見證人劉蔡秀蓮可以接觸夾萬,所以懷疑佢兩個同失竊案有關。
案件編號:ESS13730-1/06