黃家強周一晚拖着懷孕近五個月的日籍妻子Makiko到金鐘香格里拉酒店撐枱腳，大歎浪漫燭光晚餐慶祝其42歲生日，家強嫂為賀丈夫生日，悉心打扮，一洗師奶味，穿上低胸裝的她更凸顯升cup谷奶及腹大便便的身形。
本周一踏入42歲的黃家強，晚上和日籍太太MizuguchiMakiko拍拖到金鐘慶祝牛一。陪着大肚嬌妻一同發福的家強胖得臉蛋渾圓，現出雙下巴，Makiko則全身發脹，腹大便便，胸部升cup谷奶，上半身份量十足，難怪將為人父的家強會大為緊張，全天候傍實太太。
甜蜜燭光晚餐
當晚約7時，家強駕駛平治座駕接載嬌妻，由窩打老道愛巢驅車到金鐘香格里拉酒店，抵埗後匆匆把車輛交予代客泊車，才與太太牽手進酒店，甜甜蜜蜜共晉燭光晚餐。
兩個多小時後，家強夫婦撐完枱腳，兩口子便十指緊扣施施然步離酒店，滿面笑容的家強一馬當先帶頭行，為緊隨的妻子護航。現場見兩人齊作黑白情侶裝打扮，日前素面放狗的家強嫂滿身師奶味，這夜為賀老公生日，特意化妝打扮，穿着大V低胸黑白長身衫襯黑色緊身褲，加上腳踏高跟鞋，故家強倍是細心謹慎，又不時下意識地以身體遮擋嬌妻。
此時本報記者上前祝家強生日快樂，他聞言笑說：「多謝。」但不忘趨前遮着嬌妻Makiko及緊張地叮囑記者：「唔使咁埋，企後啲影。」問家強其妻已懷孕多久？他說：「你估吓啦。」記者請家強嫂拍照，她聞言望一望丈夫，見家強示意沒問題，便大方企定，表現如小鳥依人，家強又對記者笑說：「影兩張夠啦，唔使影咁多，唔該晒。」之後才取車和太太雙雙驅車返回寓所。
採訪、攝影：娛樂突發組
