人人都稱呼蕭秀香做三姐，佢爸爸是大廚，所以佢8歲已經識做三文治及煎蛋，13歲已經懂得埋爐頭揸鑊鏟炒餸，一般的中式鑊直徑21吋，6斤重，當時只是小朋友邊夠力呀？原來當時有一個小兩吋的鑊，是三姐專用的。
我問三姐咁細個出來炒菜唔覺得辛苦咩？佢話︰「我好鍾意煮嘢俾客人食，以前的中式小炒好鍾意擺晒材料出嚟俾客人即揀即炒，好考急才㗎！」三姐仲話當時炒得最多是菜遠牛肉、肉排炒鹹菜，不過有一次見生蠔新鮮，買回來一心整薑葱炒生蠔，點知客人要酥炸生蠔。」三姐當時心諗邊識煮，最後煮出來全不是那回事了。到現在，三姐已經是法國國際廚皇美食會餐務管理專家、在05年食神爭霸戰獲得「金獎」，酥炸生蠔唔再難倒佢！
記者︰方綺君
攝影︰黃子偉
雞煲勾翅$298
非常抵食，因為一煲足8両勾翅，採用雞腳對上的部份，三姐話雞腳加雞湯煲出來的翅份外香甜。
竹蟶子$68
一個中式和泰式的crossover，用香葉和中式上湯浸煮能夠帶出竹蟶子的鮮味，飲埋湯，連湯都一樣咁鮮甜。
九龍山莊（23361433）
地址︰九龍城延文禮士道九龍仔公園山頂