今時今日男士不愛送鑽石？樂基兒和蒙嘉慧前晚在西環出席珠寶活動，獲大會送贈鑽飾，樂基兒收30萬元厚禮，並扮懵避談男友。兩人又不約而同稱從來沒有收男友鑽飾做禮物，可憐蒙嘉慧更揚言要自我檢討，相信要檢討的應該是黎明及鄭伊健。
全球最大鑽石公司DTC前晚在西港城舉行「ForevermarkMystique鑽飾派對」，由15位名模包括LisaS.、陳嘉容和李嘉慧等示範八家珠寶品牌、共值8,000萬元的美鑽首飾。
黎明早前不屑提女友，一講即話「廢料」，女友樂基兒前晚卻萬千寵愛在一身，身為Forevermark形象大使的她，戴上近千萬元的Adler黃白鑽首飾，在兩位男模伴着壓軸出場，又獲DTC高層送贈自己設計、刻有她822生日日期的30萬元「Gaile」字樣鑽石鏈。
興奮攬友錫錫
事後樂基兒仍興奮得擁住同行陳嘉容錫嘴，問她會否送1211字樣的鑽石給男友，她初時一臉疑惑說：「乜嘢嚟呀？」後來才說：「12月11日（即黎明生日），我唔係唔記得，私人事我唔想分享，不過我會參考你哋嘅意見買禮物。」去年她買巨型生日字樣氣球為黎明賀壽，致戀情曝光，她發嬌嗔說：「再買我會包到實，唔畀你哋影到。」她又承認至今仍沒有收到黎明送的鑽石。
郭羨妮行頭勁
同場的蒙嘉慧也獲贈鑽石頸鏈，她表示沒有膽效法樂基兒的乳頭紋身，但同樣稱沒有收過男友鄭伊健送的鑽飾，她說：「唔使定情信物啦，𠵱家乜嘢年代？我從冇收過，又冇人送，真係要自我檢討吓！」
至於出席的藝人中行頭最勁、戴上170萬元珠寶的郭羨妮，其前男友溫兆倫出名孤寒，她反而認有收過對方送的首飾。
採訪：RitaLeung、JessicaNgan
攝影：ChenWaiOn
