亞視新劇《義無反顧》一眾演員包括羅家英、吳亭欣、郭藹明及劉綽琪等，昨日齊到美麗華酒店出席記者會造勢。只見吳亭欣以低胸吊帶連身裙亮相，酥胸半露，引得羅家英故意親近，又讓她輕倚其肩膊。
經常語出驚人的家英哥，繼年前力撐郭可盈比女友汪明荃更應得台慶最佳女主角獎，昨日他又表示要向阿姐宣戰，並說：「我同阿姐打對台，我PK阿姐，有我喺度唔使怕，睇阿姐都睇咗咁耐，仲睇唔夠咩！」未知他是否自知說得太盡，即補鑊說：「都可以睇完阿姐睇我，阿姐知我係咁講嘢，只要唔好講得太衰，衰衰哋好喇！」
對男人有陰影
吳亭欣早前曾揚言若《義》劇有雙位收視，便會跟海俊傑重演劇中一場強姦戲，不過昨日她談到該場強姦戲時卻顯得猶有餘悸：「嗰場係我第一次拍強姦戲，俾海俊傑打，又整傷咗個背脊，之後又要鍾意番佢，我好難接受，到𠵱家對男人都有陰影。」
採訪：楊潔雯
攝影：陳志嵐
