女生愛食甜品，心情壞時食一啖，嚐到甜酸的味道就開心晒。味道以外，當中有紅有綠有黃的顏色和精緻的賣相，更加叫人陶醉，你有否試過買了精緻甜品回家，欣賞良久也不捨得食？原來不同顏色甜品的背後，其實代表一個人嘅個性，一齊做個小小心理測驗，睇睇以下嘅各款甜品，從中選出最喜歡的一個，從結果可了解自己多啲。記者︰方綺君
攝影︰楊錦文、黃子偉
資料提供︰Jupite（www.magiclife.com.hk）
很多女士都會說︰「食甜品是用另一個胃。」講來講去就是貪吃，不過每次見到女性朋友在大擦一餐後仍可吃下兩個朱古力蛋糕，就知甜品對女士有多重要。剛好知道九龍城新開了間有酒店級數的甜品店，而街知巷聞的AmourFantasia亦有新甜品上場，忽發奇想︰一於用顏色做主題，一來滿足女士食甜品的慾望，二來解構大家的心理。做個小型街訪得出結果，有多人選黃色甜品，不過揀選過程當然複雜，個個女仔都三心兩意！
黃色
BananaNutmugVanillaCake（c）
鋪在餅面薄薄的黃色外層是MangoIceCoating，散發着如絲的香味，餅身用炒過的新鮮香蕉再焗逼出多餘水份，再和意大利呍呢拿子混成香軟的香蕉茸。
PassionFruitMangoMousse$24（b）
黃色夠活潑，是芒果Mousse夾着杏仁蛋糕，餅底是朱古力海綿蛋糕，和Mousse組成兩種不同口感。
紅色
StrawberryChocolateFeuillete$23（a）
用法式做法打起的士多啤梨慕絲，口感軟滑，加上中間的朱古力薄碎、別致的裝飾，又睇得又食得。
白色及金色
LycheePassionFruitMousse$26（a）
因為雪白的樣子又高貴又脫俗所以叫楊貴妃。外層的荔枝Mousse較挺身，內裏包住味道濃的啫喱果茸，和清新的荔枝味融為一體。
紫色
BerryCocktail$28（b）
中間紫色是藍草莓、紅桑子和士多啤梨混合而成的Mousse，夾以雜莓果餡，底層是朱古力曲奇酥，最後襯上一層白朱古力，賣相非常浪漫。
黑色
Opera（c）
法國傳統甜品，愈多層愈難做得工整，非常考究師傅的功夫，各層分別是法國朱古力、法式Ganache和MochaButterCream。
ChocolateGanache$26（a）
混入了金粉的ChocolateGanache，披上一身金裝外表看上去更矜貴，用法國公認至靚的Valrhona朱古力製成，朱古力濃度達70%，朱古力漿的口感及味道，令人再三回味。
綠色
GreenApple&PearGlass$23（a）
悠悠的綠色是青蘋果茸加Mousse，比一般Mousse額外多𡁻口，粒粒梨製啫喱充滿驚喜，味道帶酸開胃。
Ever-Green$28（b）
清新的綠色是綠茶慕絲，中間夾着自家煮製過、先要浸半日糖的天津紅豆粒，不過味道絕不會因此過甜，配上底層的椰子慕絲，整體觀感像草原和雪地的配合。
揀顏色甜品知個性
黃色︰有領導風範
性格比較踏實可靠，做事能堅持到底，有領導風範；不過個性太強硬固執，不懂變通。
紅色︰直率行動派
個性開朗、熱情和直率，行動力強；但做事會過於急躁和衝動，脾氣大。
綠色︰神經質藝術家
有設計和藝術天份，為人有紀律和原則；做事有自己的一套，不過會因為過於忠於自己一套而變得神經質。
白色及金色︰大將之風
個性硬淨，對朋友有義氣，做事有衝勁有大將之風，但有時個性會顯得過於剛陽，不夠溫柔寬厚。
黑色︰靈活懂社交
為人聰明活潑，做事靈活，社交手腕了得；不過容易受人影響而搖風擺柳，不能堅持到底。
紫色︰天馬行空
關心別人，往往給人氣質高貴的感覺；着重心靈的層面多於物質，但有時會太過天馬行空而變得不切實際。
（a）CeresBoulangerieetPatisserie（27163383）
地址︰九龍城福佬村道19號地下
營業時間︰星期一至五9:00am-10:00pm
星期六及日9:00am-11:00pm
（b）AmourFantasia（23752636）
地址︰尖沙嘴漆咸道南百利商場地下7號街舖
營業時間︰11:00am-8:30pm
（c）Tiffin（25847822）
地址︰灣仔港灣道1號君悅酒店M樓
甜品自助餐供應時間︰星期日至四8:00pm-11:30pm
星期五及六8:00pm-12:00mn
價錢︰星期日至四$180/成人、$120/小童
星期五及六$198/成人、$138/小童
