今日我身在澳門，主要任務係要測試全新配用手波版SuzukiSwiftSport，同埋最近喺香港Showroom展出嘅SX4。
一行十多人在中午抵達澳門，並先於碼頭附近一間酒家，同當地代理嘅代表午膳，跟住再坐巴士出發往試車場地──路環；沿途經過賽車用嘅賽道，大會工作人員正作最後準備，而水塘彎及看台大直路一段觀眾席，今年更加設有獨立塑膠座椅並加有篷頂，就算天氣係點都唔使怕。
離開「賽道」，我哋無耐就到達試車場地，入住嘅酒店係澳門甚有名氣嘅威士汀酒店；向海嘅房間，我覺得真係好Free好Grand，搞到我差啲連車都唔想試，齋睇個View就夠啦！落番樓下，就即刻見到全新嘅SX4，部車個Look真係既後生又靚仔，而且1.5公升引擎加4驅嘅行車表現，據聞仲唔錯喎。好，就等我明日試車嗰陣，試清試楚先得！
記者、攝影：鄭達基