陳沛嘉（Balia）與貝安琪昨日在觀塘出席「聖誕天使之夢」，預祝聖誕節。Balia化身惹火聖誕女郎，頭戴假鑽冠冕，佩戴閃耀釘珠bra襯迷你裙，還吸引大批市民圍觀兼狂影。
男士狂影歎無奈
雖以超性感裝束示人，但Balia表示這天仍只收平日商場騷價，不過她也認為這身服飾太性感。Balia有點無奈地說：「件衫真係超出想像中性感，我惟有蒙蔽自己，同自己講係健康性感啦。你睇，好多男士喺度影相，做model真係高難度工作，要喺唔同地方扮演唔同角色。」
Balia又自爆近日再受到某名模小動作影響，她說：「噚日又有PR打嚟道歉，話因為某人唔想同我同場，而推咗我呢邊嘅job。我唔會因為某人唔想我存在而影響能力，我會繼續做好自己。」至於同場的貝安琪則獲安排佩戴價值150萬元珠寶，以可愛小天使造型亮相。她謂近期已開始自行接job，但並非與母親劉香萍不和所致，與Rosemary情況不同，她說：「我媽咪想法洋化啲，好易商量，Rosemary媽咪可能敏感啲。」
採訪：顏英儀 攝影：張俊銘
