今日推出新EP《狂人習作》的黃貫中（Paul），原來12歲開始學畫畫，更試過畫裸女素描時尷尬得整個人都緊張起來。提到女友朱茵是否其御用模特兒時，阿Paul表示她太靚了，故此很難畫。
上月完成演唱會的黃貫中今日推出新EP《狂人習作》，他表示早前忙完Beyond的巡迴演唱會，又要忙自己的紅館個唱，所以新碟一再延遲推出，就連影唱片封套的時間也沒有，令阿Paul相當頭痛。
幸好阿Paul畫得一手好畫，平時作曲作詞時更會在旁邊附加插圖，擔任美術設計的夏永康於是靈機一觸，將阿Paul那些即興創作的畫像作為唱片封套及內頁設計。
阿Paul笑言由12歲開始已經學畫畫，雖然認真學畫只得短短三年，但阿Paul的畫功相當具個人風格，不過他無意開畫展，因他覺得畫畫只是自己enjoy就足夠，又坦言讀書時曾畫過不少人體素描，他笑說：「記得第一次畫裸女時，個個同學仔都畫到兩行鼻血都流出嚟咁滯，但我就OK，只係初初有啲尷尬，個人好緊張，但之後都好專注畫畫。」
恭喜家強
那麼女友朱茵會否是其御用模特兒？阿Paul說：「佢唔好畫，因為我唔鍾意畫靚嘢，畫靚人真係好難畫，畫得唔靚就唔好啦，反而我鍾意畫老人家，因為多啲線條、光影，挑戰性大啲。」
此外，對於黃家強的愛妻懷孕近五個月，阿Paul說：「恭喜佢，任何人有下一代都會恭喜，係好事，不過人哋家事就唔好講太多。」
採訪：駱華齡 攝影：陳俊強
