鄭佩佩為了協助愛女原子鏸（Marsha）闖樂壇，不惜掏腰包為她推出處女唱片，財政上全力支持。一直視美國殿堂級歌手芭芭拉史翠珊（BarbaraStreisand）為超級偶像的Marsha，還以對方作奮鬥目標。
原子鏸明天推出處女EP《只為您》，由她的媽咪鄭佩佩全力出錢支持，全碟共收錄了五首國語歌，大部份都由Marsha自己創作，部份歌詞由黃宇詩替她繙譯成中文。
未敢期望大賣
近日心廣體胖的Marsha，問她何以突然有進軍樂壇之意？她說：「其實我以前在美國時都有修讀音樂，我好鍾意演出音樂劇，好希望向呢方面發展。」問到Marsha會以哪一位歌手做目標？她說：「我好欣賞美國歌手芭芭拉史翠珊，佢嘅歌聲好好聽，我好希望將來可以做佢嘅中國版。」
樂壇新人輩出，就算不少天王天后級歌手的唱片銷量都未見佳績，Marsha卻對自己信心十足，她說：「我都好明白𠵱家個巿唔係幾好，我唔會期望唱片大賣，我反而希望藉唱片畀多啲人認識我，之後搵我做多啲工作，呢點比賣碟更重要。」
Marsha這次出碟，全賴媽咪在財政上全力支持，所以新唱片一出，她說：「我第一隻碟一定要送畀媽咪，佢係我嘅no.1歌迷，就算聽我啲歌幾多次佢都唔會聽厭。」
採訪：比華利
攝影：陳俊強
服裝：zap、Sin囗quanone
