剛看過報道指單計亞洲盤，歐洲盤王前３名分別係葡超拿華、法甲聖伊天同南錫，這類報道第一個感覺必定搶眼，因為夠晒震撼；但細心想，普羅球迷對這類二打六盤王有幾多認識，大家心裏有數，是否值長線追捧，才是筆者所關注。
一直強調賭波是可以作為長線投資，只要大家揀啱對象，全季計一定勝算高，尤其係歐洲各大名牌球隊更值推敲；因為事實上，每周大部份注碼都會落在呢類直播嘅名牌主角身上，球迷投注意欲亦強，即賭馬你認為計每場平均投注額，跑沙田日馬大賽日多，定係剛戰禮拜三全泥宴大熱門頻倒灶為高呢？
剛戰德國1.1倍頂頭熱W倒灶，會令莊家笑逐顏開，但未計呢場波，其實新教練路維接手後，德國計亞洲盤錄得4勝1負（勝愛爾蘭一球只輸半格），當中有作客勝聖馬力諾13:0，令外圍走地盤莊家幾乎要輸到走佬。所以，其實普羅球迷今次只是獲利回吐，長線計德國仍是一支攻力極強，且值得長線追捧嘅球隊。
睇得開心贏得暢快
再回說拿華，究竟開季9場聯賽，大家有否投注過、隊波有幾多球員你是認識，而在周日作客對費利拿又會否繼續發揮盤王本色及長線計又會否維持7成以上嘅贏盤率？這一切大家可以自行判斷。
本人寧願捧荷蘭3強，燕豪芬、阿積士同阿爾克馬爾，近10場比賽計，贏盤率高達8成以上，且經常大炒對手，印證「睇得開心，贏得暢快」這個賭波大前提。文：蘋果波神