昨日有傳剛產子的袁詠儀（靚靚）前晚已秘密出院，本報記者昨晚致電張智霖求證時，他承認消息屬實，他說：「靚靚係出咗院，兩母子都返晒屋企休息啦。」
靚靚昨日接受商台節目電話訪問，提起愛兒時即說：「BB好得意，好好玩，自己餵人奶之後，個BB聽到我把聲都有反應，我𠵱家請專人教我餵人奶嘅技巧，總之一喊就餵，多啲同佢接觸，大約兩、三個鐘餵一次，不過我餵人奶技巧都未得，所以佢𠵱家喊多啲，可能餵唔飽，但係掃風就OK。」
初為人母倍溫柔
提起剛生完仔時，靚靚說：「因為麻醉藥未過，自己又震過貓王，頭又好痛，但係醫生話見到個BB就唔會頭痛，初初以為生完後自己會喊得好犀利，但係BB一出世就係咁『斟茶』（指瀨尿）畀醫生，於是我就笑。BB真係可愛到好似貓仔咁，唔明點解佢咁多尿，而且Chilam（張智霖）話我見到BB時個樣係從來都未試過咁溫柔，其實佢自己都係。」
撰文：林妃