漢堡今季受到歐冠盃戰線影響，搞到喺德甲聯排下游15位；教練多爾見班球員近期仲係冇乜起色，於是發火下令要搞個為期3日嘅集訓營，由禮拜三開始直到禮拜六聯賽作客對緬恩斯前為止。睇番自多爾上任兩年以嚟，今次係首次叫球員加操，睇嚟都知球隊好唔掂。如果禮拜六贏唔到榜尾嘅緬恩斯，多爾都冇計咯。