一講到前港基銀行副主席、董事總經理兼行政總裁馬文德（MikeMurad），識佢嘅人都會諗起佢手執一支大雪茄嘅模樣。上周日，呢位雪茄迷喺香港因癌病逝世，享年65歲。據講，富邦銀行（被台灣富邦金融控股收購前稱港基銀行）內部噚日至收到消息，彭博資訊亦喺噚日報道其逝世嘅新聞。
馬文德嘅喪禮噚日下午舉行，據悉，富邦董事總經理兼行政總裁李晉頤及其他同事都有出席。
馬文德1988年由阿拉伯銀行集團（ABC）派到港基，一做就16年，之前佢喺美國同埋中東巴林，從事銀行業逾35年。富邦收購港基後，04年7月佢以退休為由，提出辭去銀行職務，但仍繼續擔任銀行嘅資深顧問。外電引述佢嘅助手MichaelChan話，馬文德其實早於04年初開始「抗癌」。
華華記得，馬文德非常鍾意食雪茄，甚至見記者時都照樣係雪茄不離手。聽講，佢生前住陽明山莊，已經離婚，有一女兒喺美國居住。