或者你會話現正舉行嘅第8屆新加坡車展，規模唔及日內瓦或巴黎呢類國際性大型車展；但係事實剛好相反，喺會場入面，其實有好多新車都係亞洲區首展，其中由設計、開發及製造皆在歐洲進行嘅NissanQashqai，便是最佳例子。
記者：鄭達基
最Buy天幕車頂
跟同廠Murano相似嘅Qashqai，外形可以話係接近一樣，只係換咗唔同設計嘅胎軨及鬼面罩，及整部車嘅Size縮了水而已。另外，佢始終係一部SUV，所以車廂闊落，座椅更加係靈活多變，要擺放任何一種Size嘅行李都真係NoProblem；不過，我最Buy都係天幕式車頂設計，咁做可以令前後排嘅乘客，可以享受到佢所帶來嘅好處。
明年初登陸歐洲
新車究竟用咩機械配搭？廠方為Qashqai安排了兩台分別係1.6公升及2.0公升汽油引擎，馬力輸出係115匹及140匹，附以全新6前速自動波或CVT無段變速自動波，2.0公升型號可選配All-Mode4驅系統，揸住佢去邊都無有怕。新車將於明年2月喺歐洲推出，有興趣嘅Fans就真係要拭目以待！
