佘詩曼昨日帶病上陣在尖沙嘴接受《志雲飯局》訪問，陳志雲送上馬騮毛公仔及AlainMikli太陽眼鏡，以曾扮演馬騮精孫悟空的緋聞男友陳浩民來製造話題，他對阿佘說：「馬騮隻手可以分得開。」
嫌是非悶
阿佘被問到陳志雲借馬騮來說她與陳浩民的緋聞，她迴避說：「馬騮即係馬騮，只係動物嘅一種，張囗健都扮過馬騮，我只係負責收禮物。」陳志雲的一番話似暗示她與陳浩民已分手，阿佘說：「我哋都冇一齊過，由頭到尾都係好朋友。」
有周刊報道胡杏兒失了台慶女主角獎後，情緒不穩，坐飛機時要用毛毯蒙頭，阿佘說：「相信係兩件事，眼瞓正常都會用衫遮住自己去瞓。」此外，問到網民力撐胡杏兒及無綫頒獎禮賽果受質疑，阿佘說：「第一，我冇留意，第二，亦唔係沒完沒了，最多咪講一年，但講足一年都好悶，賽果梗有人鍾意有人唔鍾意，我控制唔到。」
採訪、攝影：魯萍