【本報訊】人生無常，陳裘大因貪污從人生的高峯，直插谷底，幾次起跌，仍難逃入獄命運；父子情深，陳奕迅（Eason）雖沒到庭，仍隔空表示對親情的重視：「唔好掛住做嘢同搏殺，陪多啲屋企人，唔好成日話好忙……親情係最可貴。」
沒有到庭聽判刑
多年前Eason在父親被重判入獄，押入羈留室前，在庭上向父親高呼「Iloveyou」，令人印象難忘；日前他出庭旁聽，得知父親再度罪成後落寞離庭；昨日下午二時，他選擇出席在九龍灣展貿舉行的《06年度叱咤樂壇流行榜頒獎典禮》記者會，沒有陪父親聽候發落。
Eason在記者會後與記者講述感受：「有諗過唔出席（記者會），不過諗諗吓，如果冇咗我又好似少咗啲嘢睇，好老實，我係娛樂圈中人，好似同娛樂版一次過交代我嘅感受會好啲。」
踏入下午三時半（陳裘大判刑的時間），陳奕迅被問及會否擔心？他說：「隨遇而安，做人永遠有好有唔好，我只係擔心佢（指父親）嘅健康。」
「親情係最可貴」
對於父親再次入獄，陳奕迅說：「關於案嘅所有嘢唔想多講，我嘅感受只係大家有乜想見就見，想做就做，親情係最可貴。」
問到會否再上訴，Eason表示不方便多談，總之一切如常，做好自己本份，令自己更強壯，又說：「我只希望大家有時間真係唔好掛住做嘢同搏殺，陪多啲屋企人，唔好成日話好忙。」