自從曾特首喺施政報告中提出明年為新登記嘅環保車款提供稅務優惠之後，搞到全城突然掀起一股選購Hybrid混燃車款嘅熱潮，唔少車行都因為睇準引入唔同類型嘅Hybrid混燃車種到港；汽車代理行列入面，暫時只有Toyota及Lexus分別引入走家庭房車路線嘅ToyotaPrius，以及全球首部高性能HybridSUV嘅RX400h。
另一邊廂嘅水貨車行，睇嚟似乎對曾特首呢項建議舉腳支持咁話喎！就以「人頭馬」車行為例，佢哋先後引入多款混燃車款，例如家庭房車級別嘅HondaCivicHybrid、同RX400h一樣走環保高性能SUV路線嘅ToyotaHarrierHybrid、又或者有環保房跑美譽嘅LexusGS450h等等，可以話係全港最齊，並以極具吸引力嘅價錢發售，務求吸引到更多人去轉用呢啲慳油好力又環保嘅車款，從而為改善香港嘅空氣質素盡一分力。但坊間有傳汽車代理正蠢蠢欲動，以求用最快嘅速度去引入旗下多款Hybrid混燃車，似乎希望可以喺呢場市場爭奪戰中勝出喎！
記者、攝影：鄭達基