巴勒莫前鋒阿馬利呢期係咁入波固然勁，但人紅咗零舍囂；佢話今季未轉會巴勒莫前，有大把球會爭住斟佢喎。阿馬利仲話巴塞隆拿都有份撬佢過檔，但係當時佢唔騷呢支西甲班霸啫。不過都啱嘅，巴塞開嘅條件係買咗阿馬利之後會即刻借走佢，等佢適應到西甲節奏同有表現先收番；如果當日阿馬利應承咗，今日邊有得威？