黎明（Leon）前晚在中環為其執導的音樂電影《緣邀知音》舉行試片會，明天他將率領該片演員衞蘭、衞詩及應昌佑為尖沙嘴海港城主持聖誕亮燈儀式，本周六則舉行慈善首映，為公益金籌款。
Leon與衞蘭、衞詩（Jill）將於下周二同日出新碟，問他不怕自己人打自己人？他說：「唔得嘅會被淘汰，得嘅永遠都有競爭力，我信命運，而且我哋係唔同類型歌手。」衞蘭兩姊妹的壓力較大？Leon說：「佢哋乜嘢都俾人講過晒，唔驚啦，有雜誌話Jill賣碟2000張，事實佢賣過12000張，公司唔會為啲報道開記者會澄清，佢有佢嘅生存價值同空間。」
銷量比獎重要
對於被指拍音樂電影為捧衞蘭在各頒獎禮入女歌手三甲，Leon說：「唔關事，我邊有咁犀利。」
可期待衞蘭的歌曲得金曲金獎？Leon說：「我好明白藝人嘅位置，佢啲歌係好，攞乜嘢獎已經唔重要，最緊要賣碟數字。」
採訪、攝影：李珮洳