呢期科特廸瓦球星真係威到盡，車仔前鋒杜奧巴入波着晒火唔在講，周日阿仙奴主場贏利物浦3:0場波，除咗右閘伊保爾踢到曉飛外，連中堅高路托尼都識突破越位陷阱，仲射穿埋對手門將連拿嘅大細龍門入波。咁啱法甲摩納哥嗰邊又反底贏波，高路托尼細佬耶耶托尼都有份數糊，兩兄弟同一日入波真係少見。