一對即將結婚的男女，為求讓婚事留下美好回憶，花20,000多元選購往意大利威尼斯取景的婚紗攝影套餐。事主返港後投訴所享服務並非如套餐所列，由意大利髮型師負責髮型，已感貨不對辦，事後更發現攝影公司未經其同意，擅自將結婚照給予當地民宿，用途不明。有律師表示，未經當事人同意公開他人容貌，有侵犯他人私隱之嫌，可向私隱專員公署投訴。
讀者金小姐表示，她與未婚夫於本年4月，向一間名為RueHalleParis巴黎栩艾里的婚紗公司選購威尼斯套餐，於5月底往意大利威尼斯拍攝結婚照，價錢為20,900元，不包括機票及酒店。拍攝行程中列明第2天早上10時半開始出發到指定景點拍攝，並有專業意大利髮型師負責新娘、新郎髮型設計，但當日職員臨時通知有關髮型師生病，以隨團的香港髮型師頂替。
拖拉多時未執相片
她語帶失望地說：「我就係見佢哋公司推銷去威尼斯，比較少有，而且仲有意大利髮型師整頭，先揀佢哋，點知最終又係香港人整頭，而拍攝當日遲咗個幾鐘先出發，少咗時間影相，覺得好唔抵。」
至9月，金小姐收到該公司職員提供的相片後，發現多張相片仍未執相，效果未如理想。「我問佢哋職員幾時同我執番，佢哋就話負責人唔喺香港，要等差唔多一個月佢返嚟先執，都唔知佢哋會拖到幾時，我好擔心出年1月擺酒時仲未有相畀我。」
民宿老闆出示照片
最令金小姐不滿的，是事後發現她與未婚夫的結婚照，竟落入他倆在意大利下榻的民宿負責人手中，而該民宿正由婚紗公司推薦。「我返咗香港後，家姐去嗰邊旅行，住番同一間民宿。我哋姓金的譯名係『KING』，所以民宿老闆對呢個姓印象好深，係佢主動畀我同未婚夫張相家姐睇，我哋懷疑間公司擅自將我哋啲相畀咗其他人。」其後該民宿老闆將其手中兩張結婚相片，透過電郵傳送到金小姐手中。
金小姐相信該公司未取得他們同意便將相片交予他人，感到私隱被侵犯。「我覺得結婚相係我哋兩個好私人嘅嘢，真係冇預過咁樣公開法，我唔知佢仲有冇畀相其他人，人哋又會作咩用途。」事後，她雖曾多次向該公司投訴，但負責人並未解釋，且更掛線，態度惡劣，她已向消費者委員會投訴。檔案編號：1004075
