Twins前晚盛裝出席聖誕亮燈儀式，大會安排了兩隻小馬陪兩人出場，不過其中一隻小馬卻突然拉屎，阿Sa不幸踩中，打扮高貴漂亮的她登時𤓓爆全場，要勞煩工作人員清理。她其後說是踩中黃金，乃寓意她07年有運行，認真會自我安慰。
奧海城前晚舉行聖誕夢飛行的亮燈儀式，邀請了Twins擔任嘉賓，並由兩隻小馬陪同出場，但其中一隻小馬可能受驚，突然拉屎，弄得成員之一蔡卓妍（阿Sa）誤踩地雷，連帶新買價值3,000多元的金色高踭鞋也遭殃，並要勞煩工作人員用紙巾替她清理。之後Twins拖着兩小馬於現場繞場一周時，該馬仔似乎太緊張，又再拉屎，幸好今次阿Sa沒有再中招。
「會消毒再着」
阿Sa誤中地雷，但鍾欣桐（阿嬌）也有瘀事，她用繩綁着一支棍敲聖誕鐘時，將繩大力拉斷，狀甚尷尬。其後問阿Sa是哪隻腳踩中地雷，她笑說：「係左腳腳踭踩到，今次係第一次踩到馬屎，細個就踩狗屎。」對於誤中地雷，她笑說：「係遍地黃金，係踩黃金啫，一陣要去買六合彩，有運行，寓意07年搵好多，總之有錢搵。」續問她被弄污的新鞋可會再穿，阿Sa表示：「會再着，消吓毒囉。」
不滿油畫反眼
此外，大會安排一位法國油畫家JeanFrancois為Twins畫肖像，阿Sa看後帶點不悅說：「點解畫到我好似反白眼咁。」但再問她是否不滿油畫時，阿Sa即改口說：「睇真啲OK，藝術係咁。」至於會如何處置，阿Sa說：「可能會攞去拍賣籌款。」
採訪：駱華齡 攝影：林德雄
