周中輪到國際賽主打，除咗幾場歐洲國家盃外圍賽叫做有意義，其他都係友賽，以歐洲聯賽打到如火如荼，球星又要顧住球會老闆，呢啲太公波唔會太認真。
先講法國對希臘，法國喺世界盃後，都冇咩大換血，仍然係亨利、韋拉、馬基列尼呢啲年紀有番咁上下嘅球員壓陣；老鬼就有一個好處，係知道邊啲波值得博，邊啲波值得留，你睇呢幾場亨利打聯賽嘅表現就知啦，未到大賽都唔畀咁多真功夫你睇；今次主場對住希臘，希臘叫做衞冕歐國盃冠軍，而且近況有番啲起色，防守畀到你信心，立博開出嘅亞洲盤，法國要讓到一球/球半，法國好難贏到兩球，下盤好穩陣，不過足智彩就冇開；咁就一於捧讓球主客和「和局」。
德國「客勝」夠穩陣
德國就喺世界盃後，仍然值得追捧嘅球隊；世界盃時整體球員都好年輕當打，唔存在換血情況；歐國盃外圍賽已經連贏3場，睇個勢唔想夜長夢多，一早攞夠分出線先算。塞浦路斯近年係有啲改進，大勝愛爾蘭好似幾吸引，不過未必再有第2次，德國出面讓到球半/兩球，讓球主客和「客勝」得1.53倍，仍然信得過。
謝利
立博亞洲區首席博彩顧問
電郵：[email protected]