剛榮升父親的張智霖（Chilam）昨日接受商台電話訪問，親口證實早已與袁詠儀（靚靚）在外地結婚，他說：「係好耐之前嘅事，總之喺地球結啦。」
「BB有酒凹」
Chilam大讚兒子說：「佢隻手仔真係好靚，手指好長，將來我一定要佢學彈琴，同埋佢一出世就瀨尿，醫生講笑話佢有禮貌，一出世就識斟茶。」Chilam透露靚靚以人奶餵哺BB，又笑言不會再送禮物給太太，他說：「我咪送咗個仔畀佢囉，我覺得佢生完BB之後好滿足。」
當主持問到BB的外貌像誰多些，靚靚突然在旁說：「BB有酒凹㗎。」Chilam其後又說：「遲啲我會將BB啲相放上Blog同大家分享。」他又否認是擇吉開刀。撰文：林妃