昨日中資金融股狂升，網友看着交行、招行及工行等股價一格一格上，都非常亢奮，不斷從旁打氣，「GoGoGo」，「UpUpUp」；在《香港討論區》內，網友yylam713指中資金融股副「偈」已經撻着，無得慢㗎喇！𠵱家全球資金，包括中東、俄羅斯、美國都望實大陸銀行股，大戶想「㩒」都「㩒」唔住，無論銀行股體形有幾大，都會同你掃清。網友曼克頓山話，交通交通，路路暢通。yl048話，中行、工行、建行一齊上4蚊賀聖誕。
至於持有中行的網友，因為股價已橫行了一段時間，hongarthur話，「幾個月前以3.45元買入中行，眼見其他內地銀行股係咁升，中行仍然紋風不動，但依然對它投信心一票，冇換馬，現在終於守得雲開見月明，希望升返3.6元水位」。而網友cbbcbb則提醒，現時中資銀行股的市盈率太高，投資者追捧時都要小心。