劉嘉玲昨日出席元朗一個騎術中心舉行的Longines腕錶發布會，大會安排一位裸露上身的男模特兒，讓嘉玲在他身上最具美態的部位畫上一個標記，最後嘉玲尷尬地在男模特兒的胸肌上畫上一筆便作罷。
聖誕往滑雪
大會又安排香港馬術代表麥嘉欣在現場表演馬術，嘉玲一見到馬匹即顯得非常雀躍，更走近撫摸牠，最後還錫了馬匹一啖，嘉玲表示騎術是其中一種她喜歡的運動，她說：「其實以前拍戲就騎得多，但就唔叻，都有興趣學。」嘉玲透露今年聖誕會出外滑雪，問她是否不擔心再被人偷拍，嘉玲笑說：「唔緊要啦，啲人真係犀利，沖涼都影到！」
早前嘉玲到內地工作時，有傳媒指她肚部微隆，問她是否有孕，嘉玲即耍手說：「有小小肚凸都係好正常，可能呢排嘅時裝都係娃娃裝，比較鬆身，千祈唔好誤會，我自己嘅心態仲係小朋友，慢慢嚟啦。」昨日見她穿上一襲黑色低胸連身裙，體態撩人，一點也不像有孕。
採訪：胡比 攝影：葉君海
