由中學開始一直都係活躍分子的我，相信運動先係最有效的減肥方法，縱使較辛苦和長時間，但效果健康及持久。不過每次和朋友談到這種方法大家都會耍手擰頭，話運動跑步會腳粗和谷肌肉。最近於網上亦有人提及「跑步係咪會令小腿粗？」這個問題，仲有四千幾人瀏覽過，大部份都同意跑步會令腿步粗壯，亦有人提議以拉筋和慢跑去避免。其實跑步係一種帶氧運動，對減肥十分有效，不過要注意自己的體質是否負荷得來，仲有唔好喺短時間內快跑，這樣只會谷出肌肉，令小腿變粗，最好應該長時間緩步跑或急步行。運動前要拉筋熱身避免受傷，運動後又再拉筋及做按摩舒緩，咁就可以令腿部線條更靚。若膝頭受過傷便應選擇游蛙式收腿部線條，借助水的浮力減少腳部負荷及增加運動量。
記者：陳穎欣
http://www.uwants.com/viewthread.php?tid=2382963&extra=page%3D1