巴塞隆拿大鑊！周日佢哋聯賽雖反勝薩拉戈薩3:1，但美斯因為左腳第5條蹠骨折斷，有可能要缺陣3個月。大家都知巴塞前鋒伊度奧要長唞，𠵱家連美斯仔都要避戰幾個月，嚟緊歐冠盃又重燃戰火，巴塞嘅鋒力又應唔應付到兩邊戰線呢？唔通要靠艾斯基路同古莊臣分擔入球重責？買巴塞前真係要諗清楚喇。