周中輪到國際賽做主角，當中除了幾場歐洲國家盃外圍賽較具競爭意義外，喺球會本身已經頻密嘅賽期中，仲要打無關痛癢嘅太公波，合埋眼博和波都冇咩錯。
首先推介塞爾維亞主場和挪威1:1；塞爾維亞世界盃後，由基文廸接手執教；呢位西班牙人講求效率同紀律，對球隊幫助好大，唔用華而不實嘅基斯文，已經係一大成功之處。不過塞軍攻力始終平平，近3仗主場賽事中，有兩場只入1球，對手更只係比利時同阿塞拜疆呢啲二、三線球隊。挪威呢支北歐兵復蘇中，對巴西都可以踢成1:1，大家鬥體力化，挪威?對唔輸蝕，一於再博雙方打成1:1和波收場。
德國贏3粒啱啱好
意大利打友賽嗰種「揸流攤」法，相信球迷都清楚，今次主場對土耳其亦都冇把握贏；土耳其已擺脫02年世界盃季軍陰影，歐國盃外圍賽3戰全勝，近4仗有3次半場已經領先，講真意大利又未必想主場輸多次，博個半全場「客/和」，都有冷味。最後揀番場歐國盃外圍賽，德國班波愈打愈順，入球能力唔使懷疑，作客斯洛伐克都可以贏4個1皮，今次作客塞浦路斯，大炒冇難度，不過考慮周末又有聯賽，唔數咁盡，3:0啱啱好。文：牽牛