聽聞日本新潟嘅頂級珍珠米同埋清酒好出名，喺香港終於有機會試喇！因為city'super搞咗個新潟美食節，珍珠米同清酒當然要一試。不過最吸引我嘅都係Honzuwai長腳蟹（每隻$188），呢隻蟹一般嘅食法都係白烚，但最近秋涼，將啖啖肉嘅蟹腳用作打邊爐都一樣好味，呢排食大閘蟹食到膩，呢隻長腳蟹夠清甜，啱晒！美食節另有多款海產、小吃，細心行一轉，必定有收穫！
地點：沙田新城市廣場city'super 日期：即日至11月22日
