歐洲國家盃外圍賽，呢期真係靠估！我嘅態度係：國家隊賽事係死硬派球迷樂園，不講理性，只講鍾意。所以，我要俄羅斯、克羅地亞贏！
先講今晚外圍賽，E組有我兩隊愛隊──俄羅斯同克羅地亞。如無意外，我認為佢哋會奪得出線權，至於英格蘭，應該無運行！克羅地亞上仗技術性擊倒英格蘭，意料之內，有稿為證！對住以色列，我諗全取3分無問題。至於俄羅斯，我等咗呢隊波好多年了，現時3戰1勝2和得5分，我亦希望佢贏馬其頓，理由只有一個，因為我喜歡！
巴西必勝
至於友誼波，近10年我嘅新愛捷克出戰丹麥，點都撐到底，雖然無得睇，不過總有辦法！當然，我再強調，呢啲友誼波最好唔掂，主客和、大細都難以預測，唯獨一場波，大家可以大膽支持，就係我嘅「舊愛」巴西作客瑞士。鄧加上場後，只講狀態不講名氣，其實對一眾小將係好事，只要有貨交，就可以上場。班球員搏到盡，巴西客勝無問題！
周鵬
商業1台《球迷集中贏》主持
電郵：[email protected]