今年31歲嘅日本女星神田UNO，明年春天就會同佢經營彈珠店嘅圈外男友西村拓郎結婚。神田噚日着住由佢自己設計嘅紅色和服舉行記者會，佢話本來打算喺上星期一正式公布喜訊，但因為俾雜誌搶先一日踢爆婚事，令佢失晒預算。釣到金龜婿嘅神田仲大晒手上鑲住五卡巨鑽嘅結婚戒指，臉上流露幸福到痹嘅表情。