喺香港，𠵱家韓劇紅過日劇，但係如果問你誰是你最熟識的日本人，斷估你唔會話史提芬史匹堡啩。偏偏問100間美國公司嘅員工，佢哋嘅答案唔係史匹堡，而係包括喺荷李活拍過戲嘅「龍的傳人」成龍同李連杰，喺美國人最熟識嘅日本人榜上，成龍排12，李連杰排22。睇起上嚟，有過歷史恩怨嘅中國人同日本人喺美國人心目中，個樣真係差唔多。
至於美國人真係認得嘅日本人，排第一係美國職棒大聯盟西雅圖水手隊球員鈴木一朗，第二係唱歌嘅Puffy，第三係落咗台嘅上任首相小泉純一郎，現任首相安倍晉三似乎無人認識。
除咗將中國人當日本人扮，調查仲話喺美國人眼中，最能夠代表「日本製造」四個字嘅嘢，按次序係電油混合車、平面電視，DVD機同埋手機。中國人就印象最深嘅係日本製造嘅平面電視。至於日本人最勁嘅實力係乜？美國人同中國人嘅答案，幾乎係異口同聲，係話夠勤力喎。
日本《每日新聞》