張智霖與袁詠儀昨日誕下一名男嬰，本報記者昨日致電堪輿學家鄭智恆，以玄學角度分析嬰孩命格，鄭智恆說：「今日（即昨日）出世嘅嬰孩非常之有助力，尤其係長大後會娶得賢妻，會有好大嘅幫助，今個月係旺月，小朋友必會艷陽高照，受到父母痛錫。嬰孩五行屬木，改名宜用嘉豪、嘉華，會有助將來嘅運途發展，長大後學業相當唔錯，相信會完成大學課程，尤其係修讀醫科，必有所成。」
雖然父母均是演藝界出身，但二人的兒子卻未必能在圈內有所發揮，鄭智恆說：「佢如果入娛樂圈，星途一定唔會有父親咁好，唔會有太大名氣，其實佢應該喺一啲大型機構，或者喺政府部門工作，咁就必定會位高權重。」