憑內地劇《神鵰俠侶》小龍女一角喺香港好受歡迎嘅劉亦菲，最近被指主動追求鋼琴演奏家郎朗。郎朗爸爸郎國任日前向內地記者承認，有朋友搵過佢幫劉亦菲同郎朗做媒，但郎朗冇時間拍拖，只願意同劉亦菲做住朋友先。劉亦菲嘅經理人吳小姐接受內地記者訪問時話：「她跟郎朗根本沒有見過面，她只是從報章知道郎朗這個人，這個消息無中生有。」
