新加坡出生的曾淵滄，10歲喪父，11歲做報販擔起整頭家，數年間已經進身「小拆家」，批發報紙予其他報販零售，他自言：「細細個已經鍾意搵錢。」由於媽媽覺得報販行內人品複雜，15歲決定轉行教書，專門幫小學生補習數學。
買期指一鋪輸50萬
曾淵滄平素買股講市，事前做足功課，但人生第一次買股事前卻沒有做研究。「80年在英國讀書時買入英國首隻被私有化的國企『宇航』，原因是，當時保守黨上場，對第一隻私有化國企一定會做得好好睇睇，所以就買！」結果估中，一年間回報達一倍。
一開始炒股便有斬獲，82年返回新加坡工作又遇上股市當旺，加上當地金融產品較簡單，故屢有斬獲，當時曾淵滄從來沒想過要自行分析，直到87年來港在城大任教，首次接觸令他大賺大蝕的期貨才懂學乖。
曾淵滄說，剛來港工作，見期指升1點就賺50元，即使當時人工只有萬餘元，但買入萬五蚊一手的期貨亦絕不手軟，初期確實賺到錢，所以愈買愈多，結果股市由4000點跌至2000點，一次過蝕掉50萬元，「嗰刻就像遇到空難，頭腦一片空白，想不到下一步怎辦，只記得諗過走佬！」
受過教訓，曾淵滄開始用自己最擅長的「數學」，88年發表2天19天移動平均線，93年再發表「線性回歸線」，他說：「就咁睇恒指走勢，睇唔通睇唔透」。話雖如此，曾淵滄不諱言，無論數據如何精確，散戶始終難與大戶角力，一語道破股海凶險。