有一日喺Sogo傳來陣陣麵包香，引到Joan買了部麵包機回家，第一次跟着隨機附送的製作方法去做，十分難吃。但Joan偏偏不甘心，自己走到圖書館搵參考書，決心要做到最好。有一次，做了一款叫Pumpernickel的德國麵包時，Joan感覺其味道及質感十分特別，很有個性，於是開舖時便用了這款麵包的名字。現在Pumpernickel有6間分店，更是西餐廳的麵包供應商。不過當上供應商，並非Joan送上門搵生意，「有啲客人食過我做嘅麵包，當佢哋喺部份餐廳食麵包，覺得唔夠我做嘅好味，就建議餐廳用我做嘅包，所以至今為止，都係人哋搵我供應麵包，未試過我自己去搵人。」
Joan絕對是一個西式麵包專家：「麵包對於香港人嚟講只係早餐或下午茶嘅甜點，港式麵包較甜，因為落得多糖同牛油；西式麵包由於係外國人嘅正餐，所以不能太甜，且喜歡做出雙重口感，外脆內軟。一般人以為西式麵包好硬，其實係錯覺，只要Reheat個包食，就會好好味；而日式麵包就較為鬆軟。」Joan自問對於西式麵包已了解甚多，不過亦坦言這門學問一輩子也學不完。
記者：黃若茵
攝影：譚盈傑
德國黑麥$35
食落帶少許來自蜜糖的甜味，是Pumpernickel的招牌麵包，必試！
全麥橄欖法包$12
混合較清淡的西班牙黑水欖及法國的濃味橄欖，少少鹹味易入口。
黑椒藍芝士法包$9
香港較少有加入黑椒的麵包，入口有微辣味道。麵包烘焗後散發陣陣藍芝士香。
Pumpernickel（25780854）
地址：天后琉璃街1號A地下