青衣西路車禍現場，既是行人路又是巴士站，惟行人路狹窄僅有1.5米闊，巴士站最少有七條巴士線使用。居民張先生指早上繁忙時間，超過30名乘客擠在行人路候車，相當危險。他建議當局將後面小山丘移平。
運輸署指不宜擴闊
葵青區區議員丁衍華曾向區議會建議擴闊該段行人路至兩米闊。運輸署發言人昨表示，曾經作出有關研究，但認為該段行人路不適宜擴闊；發言人更表示，本港巴士站無規定必須設置凹位緩衝區。
香港大學智能交通研究所所長容漢清昨親身到現場勘察，認為擴闊行人路可行性不大：「另一邊係斜坡同明渠，都無位；搬巴士站都可以，不過啲居民反對，佢哋話呢個站實在好就腳。」容漢清建議在行人路加裝風琴式防撞欄，可望減輕傷亡率。
司機疲倦應停路邊
有指肇事貨櫃車司機瞌眼瞓出事，落馬洲中港貨運聯會主席蔣志偉說：「通常凌晨兩、三點最眼瞓，好少一開工就咁攰；如果真係揸到好攰，停埋一邊『瞌』番五分鐘都好好多，否則咪同揸個大炸彈出街一樣咁危險，連命都冇埋就唔抵啦！」
貨櫃運輸業職工會主席謝浪指，出事現場是上斜位，司機行車速度不會太快，但仍無法控制車輛，不排除司機身體狀態欠佳：「有啲司機有糖尿揸揸吓暈一暈，又或者有睡眠窒息症所以『瞌』着咗都唔知。」