【本報訊】決意與特首曾蔭權在明年特首選舉中一較高下的公民黨立法會議員梁家傑，昨天繼續落區宣傳，市民反應踴躍，累計兩日已有1,744位市民簽名支持他參選特首，反映公眾樂見有競爭的特首選舉。
梁家傑昨稱，稍後會去信港澳辦主任廖暉及中聯辦主任高祀仁，邀請兩人聽取其簡介政綱，強調「如果佢哋真係為香港人好，冇理由唔去了解更多。」
藉機會闡述參政理念
穿上淺桃紅色恤衫的梁家傑昨天先後走訪港島四區，宣傳其參選政綱及爭取市民簽名，太太陳淑儀也有隨行。梁家傑總結兩天落區經驗時稱，感覺市民反應良好，「佢哋好清楚想要個有競爭嘅選舉」，指出若有更多市民支持此訊息，「相信嗰800個選委會成員，都唔敢逆民意做提名工作，因為佢哋唔係只向選民負責，而係要向全港市民負責。」
梁續稱，考慮到特首選舉與中方有關，盼望有機會與主理單位溝通，所以除向中聯辦發送參選政綱，稍後更會去信約見廖暉及高祀仁，希望有機會向他們闡述參政理念，強調「如果佢哋真係為香港人好，冇理由唔去了解多啲；雖然北京同香港人認為對香港好嘅嘢未必一樣，但目標都係一樣，應該有得傾。」
被問到參選會否影響與中方關係，例如不能往返內地，梁坦言「冇得驚」。他指稍後宣傳時，仍會以市民有切膚之痛的問題為切入點，引發市民討論，例如談及空氣污染問題，「唔會諗住喺禮堂講咗就算，會揀個污染地點帶出問題，好過一入手就講政綱。」
特首不應靠政治欽點
陪同梁家傑落區宣傳的公民黨黨魁余若薇昨在跑馬地馬場附近叫咪時，高呼「得一隻馬跑嘅賽事，係絕對唔好睇，就算贏咗都冇意思」，又指選特首不應該靠政治欽點，「我哋係要靠實力。」余若薇稱，市民要求有競爭的特首選舉訊息清晰，反諷「𠵱家唔清晰嘅係選委會選民，有法律界選民以為佢哋只可投一個選委，唔係全數20個㖭。」