蔡少芬昨日以美容中心代言人身份，到荃灣出席「身心美慈善大行動」，帶領全場350名參加者進行慈善瑜伽操。對於失落今年無綫最佳女主角獎項，她說：「我絕對唔會因為呢樣嘢唔開心，獎項對我嚟講唔重要，我戥阿佘（佘詩曼）辛苦，因為攞獎一定俾狗（狗仔隊）跟。」
陳慧珊可能再婚
對於阿佘獲獎，蔡少芬指實至名歸，她說：「阿佘喺劇度好努力，我睇咗《鳳凰四重奏》，對一個演員嚟講，喺唔同環境唔同時間，要隨時轉變角色係好難。」對於鄧萃雯也落敗，她說：「雯女send咗訊息畀我，話我哋入咗五強已經好開心。」至於缺席阿佘的派對，她解釋當日頒獎禮由下午開始綵排，企足全日非常疲累，所以完騷後即返家休息。而同場捐出二萬元善款的陳慧珊，則透露可能再婚。
採訪、攝影：張俊銘