王敏德一家和羅寶文等前晚往中環ifc出席UNHCR慈善晚宴，早前王敏德被本報踢爆與馬清偉帶同多名靚女組成兩王五后的7P兵團夜蒲，前晚其中3P也是晚宴座上客，王敏德也熱情地與她們逐一錫面打招呼。
盼與安琪蓮娜齊名
事後王敏德向記者「主動投案」說：「我諗今日報紙唔會登我全家張相，都係登呢張多㗎啦。」問他三名靚女的身份？他說：「咪我啲朋友囉，係我介紹佢哋畀馬生識嘅。」
王敏德又透露稍後會往柬埔寨難民營探訪，他說：「做完呢次探訪，聯合國嗰邊會做一次詳細嘅核實，OK之後，我有可能同安琪蓮娜祖莉（AngelinaJolie）一樣，成為聯合國難民大使。」
此外，羅寶文被問到名牌「靜悄悄」加價一事，她說：「我都有發覺啲名牌加價，不過一分錢一分貨，負擔得到唔係問題，我反而最唔想見到𠵱家啲中學生、大學生咁注重物質，幾千蚊買一個袋，好唔健康。」
採訪：RitaLeung
攝影：RickyIp