【本報訊】梵蒂岡籌組的中梵關係小組，屬意由天主教香港教區主教陳日君樞機掌管，陳日君昨天表明願意接掌，暗示退休之日不遠。據悉，一旦陳日君退下火線，現年67歲的輔理主教湯漢最有機會接棒。雖然湯漢作風較為低調，但外界普遍認為，教會堅決爭取公義民主的方向不會改變，天主教正義和平委員會幹事孔令瑜說，「每個人處事作風係有唔同，但對社會問題方向同目標都係一致。」 記者：許偉賢
陳日君昨天向記者表示，未聽聞教廷已經成立中梵關係小組，但承認早前曾向教廷建議成立有關小組，認為在小組統籌下，中梵關係可以處理得更好，又指教廷以前也成立蘇聯問題小組，「如果佢哋成立中梵關係小組，都幾有根據。」
料教廷接納陳退休
對於是否願意接受教廷委派主理小組，陳日君直指「如果有（小組）嘅話，當然我會幫忙；教宗要擢升我做樞機，即係都係要我喺呢方面幫手。」他並稱「我哋教會方面，唔會片面強調中梵建交，我哋係強調宗教正常化。如果冇一個真正正常化，冇一個真正宗教自由，建交都係冇意思嘅。」
據悉，陳日君表明願意掌管小組，證明其退休申請已獲教廷接納，香港教區稍後或會出現新主教，其中以輔理主教湯漢機會最大，因為湯在教區內資歷極深，亦受教友尊重，相信可凝聚教會團結。然而，湯漢作風低調，由他領導的香港教區會否一如陳日君時代般，積極為社會公義發聲，成為各界焦點。孔令瑜昨率先派發定心丸，指教會一向在社會議題上表現積極，料不會因「陳落湯上」改變立場，指出「每個人嘅處事作風係有唔同，但對社會問題嘅方向同目標都一致。」
她指湯漢過往一直支持陳日君的工作，亦不時諮詢陳的意見，認為「就算真係有人事上調動，相信佢哋要堅持嘅嘢，始終會堅持。」
教會立場不會改變
民主黨立法會議員涂謹申認為，教會在民主公義議題上「梗係有人講多啲，好過講少啲」，身為基督教徒的他指出，湯漢或較陳日君較少發言，「個人魅力同感染力或者會差少少」，但相信不會影響教會整體方向，「佢哋教義上有呢個傳統，唔係話邊個人走咗，就唔去理。」
本身是天主教徒的浸會大學政治及國際關係學系副教授陳家洛也指，天主教就人權公義發聲屬好事，有助鼓勵市民參與，但相信教會走向不會因一個人而改變，「外界唔使咁早就話有憂慮。」